انا كنت موجود امبارح ضمن الالاف من جماهير الزمالك الوفيه فى التمرين المسائي امس السبت كان بصراحه المنظر راائع وكانت احتفاليه جميله بالالعاب الناريه والشماريخ والهتافات
ولكن ما عجبنيش خالص تصرف الامن بعدم فتح البوابات الا بعد ضغط الجماهير الرهيب عليهم ولما شعروا ان الجمهور هيكسر الباب وهينط من السور راحوا فتحوا بوابه واحده احنا كنا هناك من الساعه 8 ودخلنا على حوالى 9 ونص
نتيجه فتح بوابه واحده كان فيه تدافع جماهيري غفير جدا جدا وبشكل غير منظم نهائي ( انا ماكنتش بمشي من نفسي انا كنت بمشي بقوة الدفع ف وسط التيار ونظارتى وقعت وضاعت )
اانا شوفت قدام عينى 3 واقعين ع الارض قدام البوابه والناس بتدوس عليهم والالتراس طلعوهم بالعافيه وما اعرفش جرالهم ايه بعد كده
بس كان يوم جميل واحتفاليه رائعه لكن ارجو يا جماعه يبقي فيه تنظيم اكتر من كده لان امبارح كان فيه ناس ممكن تفقد ارواحها بسبب تمرين للزمالك !!
